«Կարծում եմ՝ 10-15%-ով կթանկանան ստոմատոլոգիական ծառայությունները». գլխավոր ստոմատոլոգ
Առողջապահության նախարարության գլխավոր ստոմատոլոգ Լազար Եսայանն այսօր լրագրողների հետ հանդիպմանն անդրադարձել է կառավարության նոր որոշմանը՝ մարտի 6-ից ներդրված էլեկտրոնային առողջապահական համակարգին, որը ստոմատոլոգիական ծառայությունների թանկացում է ենթադրում: Նշենք, որ էլեկտրոնային առողջապահական համակարգի նպատակն է ստեղծել մեկ միասնական համակարգ, որտեղ տեսանելի կլինեն բոլոր հիվանդների տվյալներն՝ անկախ ոլորտից: Այս որոշմամբ, գլխավոր ստոմատոլոգի խոսքով, յուրաքանչյուր հիվանդի այցը պետք է գրանցվի համակարգում և մանրամասն գրվի նաև հիվանդության մասին։ Վերջինը թեև միասնական էլեկտրոնային համակարգ ներդնելու որոշմանը դրական է վերաբերվում, սակայն նշում է, որ դա կհանգեցնի թանկացումների: «Չգիտեմ՝ ինչքան թանկացում կլինի, բայց կլինի։ Փաստացի, եթե բոլոր ծախսերը հաշվենք, մոտավորապես չոր հաշվարկով, ատամնաբուժարաններն ունենում են 300-500 հազար դրամի ծախս: Կարծում եմ, երևի 10-15%-ով կթանկանան ծառայությունները»,- մտահոգություն է հայտնել Լազար Եսայանը: «Այս ծրագրի ներդրման պարագայում առաջանում են մեծ ծախսեր: Տարբեր շրջաններում միգուցե լրացուցիչ մուտքագրողի հաստիքի կարիք լինի, ծախս է լինում նաև ինտերներտի և համակարգիչների համար: Հատկապես մարզերում, շատ տեղերում չունենք ինտերնետ»,- շարունակել է գլխավոր ստոմատոլոգը՝ հավելելով, որ այստեղ սխալն այն է, որ նորամուծությանը վերաբերող քայլերը պետք էր նախապես մշակել, քննարկել, հետո նոր ուղարկել կլինիկաներ: Խոսելով նոր համակարգի դրական կողմի մասին՝ Լ. Եսայանը նշել է, որ բժիշկն ունենալով այդ հնարավորությունը կարող է մուտք գործել համակարգ և ավելի մանրամասն ծանոթանալ դիմողի առողջական վիճակի մասին, ինչը հօգուտ հիվանդի է: «Այստեղ այլ խնդիր է ներկայացնում անձնական տվյալների հարցը, երբ ուրիշները կարող են տեսնել, դա ես նույնպես անընդունելի եմ համարում»,- ասել է գլխավոր ստոմատոլոգը: Հիշեցնենք՝ 2018թ-ի մարտի 6-ից ուժի մեջ է մտել կառավարության 2017թ.-ի օգոստոսի 24-ին ընդունած «ՀՀ կառավարության 2002 թվականի հունիսի 29-ի թիվ 867 որոշման մեջ լրացումներ կատարելու մասին» թիվ 1033-Ն որոշումը: |
«Հայաստանում նկատվում է կարմրուկի դեպքերի աճի միտում»․ Արմեն Մուրադյան
16212:48«Հայաստանում ջրծաղիկը վերջին 3 տարիների ընթացքում աճել է շուրջ 4 անգամ»․ Անուշ Պողոսյան (լուսանկար)
79126.03.2024, 15:24«Վեներական հիվանդություններով վարակվածների թվում բարձր դասարանների տղաներ են»․ Ոսկան Սարգսյան
207122.03.2024, 11:48Առաջին անգամ մարդուն հաջողությամբ փոխպատվաստել են խոզի երիկամ (լուսանկար)
307621.03.2024, 20:48Մահացել է Միքայել Աղաջանովը
234721.03.2024, 09:54«Վեներական հիվանդությունների բռնկում՝ Իջևանում»․ Ոսկան Սարգսյան
251516.03.2024, 13:48