Երևան`   +16 °C
Այսօր`   Ուրբաթ, 29 մարտի, 2024 թ.

ԵՄ-ն մտադիր է կրճատել օֆշորային երկրների ցանկը

1235
Երեքշաբթի, 16 հունվարի, 2018 թ., 14:45
ԵՄ-ն մտադիր է կրճատել օֆշորային երկրների ցանկը

Եվրոմիության երկրների ներկայացուցիչները որոշել են օֆշորային երկրների «սև ցուցակից» բացառել 8 երկրների անունները, հայտնում է Reuters-ը:

Նշվում է, որ ցուցակից կարող են բացառվել Պանաման, ԱՄԷ-ն, Հարավային Կորեան, Բարբադոսը, Գրենադան, Մակաոն, Մոնղոլիան և Թունիսը, քանի որ վերջինները համաձայնել են փոփոխել իրենց հարկային քաղաքականությունը:

Ինչպես նաև նախատեսվում է վերանայել Բահրեյնի ճակատագիրը, սակայն ոչ մոտ ապագայում:

Նոր առաջարկը հունվարի 17-ին կքննարկեն երկրների դեսպանները: Իսկ արդեն հաջորդ շաբաթ, ինչպես ակնկալվում է, որորշում կընդունեն ԵՄ ֆինանսների նախարարները:

Որոշումն ընդունելու դեպքում այդ երկրները կտեղափոխվեն այսպես կոչված «մոխրագույն ցուցակ», որում ներառված են այն երկրները, որոնք պարտավորվել են փոփոխել թափանցիկության կանոններն ու հարկային ոլորտում համագործակցությունը: