ՄԻՊ ներկայացուցիչներն առանձնազրույցներ են ունեցել Արմեն Բիլյանի, Սմբատ Բարսեղյանի, Արայիկ Խանդոյանի հետ
Այսօր՝ հունվարի 15-ին, վաղ առավոտից Մարդու իրավունքների պաշտպանի ներկայացուցիչները «Դատապարտյալների հիվանդանոց», «Նուբարաշեն» ՔԿՀ-ներում առանձնազրույցներ են ունեցել Արմեն Բիլյանի, Սմբատ Բարսեղյանի, իսկ «Էրեբունի» բժշկական կենտրոնում՝ Արայիկ Խանդոյանի հետ: Այցերի ընթացքում ստուգվել են նրանց առողջական վիճակի ապահովման հարցն ու բժշկական փաստաթղթերը:շ Ամենօրյա ռեժիմով Պաշտպանի աշխատակազմի կողմից իրավասության սահմաններում շարունակվում են քայլեր ձեռնարկվել Արմեն Բիլյանի, Սմբատ Բարսեղյանի, Արայիկ Խանդոյանի բարձրացրած բոլոր հարցերի առնչությամբ: Արմեն Բիլյանը «Դատապարտյալների հիվանդանոց» քրեակատարողական հիմնարկում շարունակում է ստանալ վերականգնողական բուժում: Նա ենթարկվել է մի շարք հետազոտությունների: «Նուբարաշեն» ՔԿՀ-ում առանձնազրույցի ընթացքում Սմբատ Բարսեղյանը տեղեկացրել է, որ ինքնազգացողությունը բավարար է: Պաշտպանի ներկայացուցիչների հետ քննարկվել են նաև նրա առողջական վիճակի հետ կապված այլ հարցեր: Հաշվի առնելով Սմբատ Բարսեղյանի հացադուլի տևողությունը՝ Մարդու իրավունքների պաշտպանն անհրաժեշտ է համարում նրա հետագա բժշկական հսկողությունն իրականացնել ստացիոնար պայմաններում՝ «Դատապարտյալների հիվանդանոց» ՔԿՀ-ում: 2018թ. հունվարի 9-ին Արայիկ Խանդոյանի հետ առանձնազրույցից հետո Պաշտպանի կողմից բարձրացված հարցի հիման վրա նա «Էրեբունի» բժշկական կենտրոնում ենթարկվել է հետազոտության: Դրանից հետո, այսօր նա նույն բժշկական կենտրոնում պետական պատվերի շրջանակներում ենթարկվել է անհրաժեշտ վիրահատական միջամտության: Պաշտպանի ներկայացուցիչների այցի պահին Արայիկ Խանդոյանը գտնվել է բժիշկների հսկողության ներքո: Նրա հետ տեղի է ունեցել առանձնազրույց: |
Երևանում ԱԺԲ–ի ակցիայի 96 մասնակից է բերման ենթարկվել
1500:48«Նվիրվածությունը ազգային շահերին ու անվտանգությանը պետք է դառնան քաղաքական զարթոնքի հիմնաքար». Դավիթ Անանյան
2500:36«Ծիծեռնակաբերդում երեխեք կային, որոնց ծնողները զոհվել են ցինիկ Աննայի ու իր ցեղասպան մարդու ձեռքով». Ռոբերտ Հայրապետյան
65Երեկ, 23:30«Սասո՛ւն Միքայելյան և կցորդներ, հավաքե՛ք ձեզ». Բագրատ Սրբազան (տեսանյութ)
67Երեկ, 23:18«Էդ ի՞նչ ձև ես թքում». Գևորգ Պետրոսյանը հանդիմանում է ոստիկանին (տեսանյութ)
80Երեկ, 23:00«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել (լուսանկար)
64Երեկ, 22:54