Երևան`   +25 °C
Այսօր`   Երկուշաբթի, 25 հունիսի, 2018 թ.

Վրաստանում դիմակավորված անձինք թալանել են հայաստանցի գործարարին

210
Շաբաթ, 13 հունվարի, 2018 թ., 14:40
Վրաստանում դիմակավորված անձինք թալանել են հայաստանցի գործարարին

Վրաստանի արևմտյան հատվածում գտնվող Օզուրգեթի քաղաքում անհայտ անձինք հարձակում են գործել գործարարի վրա և թալանել նրան, հաղորդում է «Рустави 2»-ը:

Տուժածը ՀՀ քաղաքացի, 31-ամյա Արթուր Սուքիասյանն է: Գուրիայի մարզում նա մի քանի խանութ ունի:

Սուքիասյանի վրա հարձակում են գործել այսօր առավոտյան իր տան մուտքի մոտ: Դիմակավորված 2 տղամարդ բութ առարկայով հարվածել են նրա գլխին, ապա նրա մոտից 30 հազար լարի վերցրել (մոտ 11,7 հազար դոլար):

Գործարարը պատրաստվում էր մեկնել Թբիլիսիի Լիլո շուկա իր խանութի համար ապրանք գնելու նպատակով, հենց այդ պատճառով նրա մոտ խոշոր գումար է եղել:

Այժմ գործարարը հիվանդանոցում է: Բժիշկների խոսքով՝ նրա կյանքին վտանգ չի սպառնում:

Ենթադրյալ հանցագործները դեռևս ազատության մեջ են: