«Պահանջում են հենց հունվարի 8-ին մուծել երաժշտական դպրոցների վարձավճարները»․ ծնողներն ահազանգում են
Երևանի ավագանու «Ելք» խմբակցության ղեկավար Դավիթ Խաժակյանն անդրադարձել է Երևանի երաժշտական դպրոցներում վարձավճարի թանկացման խնդրին, որն ուժի մեջ է մտել 2018-ի հունվարի 1-ից: «Ֆեյսբուք» սոցիալական ցանցում Դ. Խաժակյանը մտահոգություն է հայտնել առ այն, որ երաժշտական դպրոցներ հաճախող աշակերտների ծնողները կրկին ահազանգում են վարձի վճարման անհամաչափ պահանջի վերաբերյալ։ «Անցած ամիս պահանջում էին հունվարի վարձավճարն, իսկ այժմ ծնողներից պահանջում են հենց հունվարի 8-ին կատարել վճարումն՝ ասելով, որ այլապես կհեռացնեն հաստատությունից»,- գրել է նա՝ նշելով, որ վճարումները կատարվում են բանկերի միջոցով, այնինչ այսօր բանկերը խիստ ծանրաբեռնված են լինելու։ «Նկատի ունենալով, որ 8-ն աշխատանքային առաջին օրն է, կարծում եմ՝ պետք է վճարման համար հնգօրյա ժամկետ սահմանել և բացառել այս պարտադրանքը»,- շարունակել է նա։ Երևանի ավագանու «Ելք» խմբակցության ղեկավարը տեղեկացրել է, որ քաղաքապետարանին արդեն հայտնել է կոնկրետ դպրոցի վերաբերյալ տեղեկությունը, սակայն վստահ է, որ այդ պարտադրանքը համատարած բնույթ է կրում: Հիշեցնենք, որ Երևանում գործող երաժշտական դպրոցներում, 2018-ի հունվարի 1-ից բարձրացել է ուսման վարձավճարը: Հավելենք, որ այս հարցը քննարկման է դրվել Երևանի քաղաքապետարանում դեկտեմբերի 26-ին և ձայների մեծամասնությամբ ընդունվել: |
Դիտարկվել են դեպի Ակադեմիական քաղաքի հատված տանող երկաթուղային ենթակառուցվածքները (լուսանկար)
176912.04.2024, 18:48Հաստատվել են բուհերի 2024/2025 ուսումնական տարվա ընդունելության տեղերը
177712.04.2024, 17:482-րդ դասարանի մաթեմաթիկայի դասագրքի հեղինակը՝ սխալների մասին
204111.04.2024, 23:24Անհեթեթ իրավիճակներ՝ Մաթեմյանների ընտանիքում. «Հրապարակ»
169310.04.2024, 09:24«2-րդ դասարանի մաթեմատիկայի դասագիրքն է». Արամ Գևորգյան (լուսանկար)
53108.04.2024, 23:06««Ակադեմիական քաղաք»-ը բուհական ոլորտն ապականելու և մեծ փող աշխատելու ավանտյուրա է». Արմեն Աշոտյան
51907.04.2024, 21:48