«Մարզերից Երևան եկող երեխաները կտուժեն»․ երաժշտական դպրոցներում նոր վարձավճար է սահմանվել
Մայրաքաղաքում գործող երաժշտական և արվեստի դպրոցների վարձավճարները թանկացել են: Նման որոշում, ի վերջո, կայացրել է Երևանի քաղաքապետարանն՝ ավագանու 2-րդ նստաշրջանի 4-րդ նիստի ժամանակ: Հիշեցնենք, որ այս նախագծով երաժշտական դպրոցների ծառայությունների դիմաց կսահմանվի ամսական ֆիքսված 8000 դրամ: Նախագծին դեմ է քվեարկել ավագանու «Ելք» խմբակցությունը: Ավագանու կրթության, մշակույթի և սոցիալական հարցերի մշտական հանձնաժողովի նախագահ Արայիկ Հարությունյանը բազմիցս բարձրաձայնել է այս խնդրի հետ կապված ռիսկերը՝ նշելով, որ մարզերից Երևան եկող երեխաները կտուժեն որոշման ընդունման դեպքում: «Ես մարդկանց գիտեմ, ովքեր նույնիսկ 1000 դրամ թանկացման դեպքում իրենց երեխաներին կհանեն դպրոցից»,- համոզմունք է հայտնել նա: Թեև քաղաքապետարանը «բարեփոխում» է անվանում և գտնում է, որ սա թանկացում չէ, սակայն Ա. Հարությունյանի խոսքով՝ վարձավճարների թանկացման այս ծրագիրը հազարավոր քաղաքացիների գրպանին է խփում: Ըստ «Ելք»-ի ավագանու անդամի, ուսումնասիրությունը ցույց է տվել, որ բազմաթիվ դպրոցներում վարձը կրկնակի է բարձրանալու, Երևանի հաշվառում չունեցողների համար նույնիսկ մինչև 5 անգամ: Արայիկ Հարությունյանը նշում է, որ այս որոշումից տուժելու են նաև մասնագետներն՝ աշակերտների կրճատվելու արդյունքում ինքնըստինքյան նվազելու է ուսուցիչների պահանջարկը: Նախագծի ընդունման վերաբերյալ Տարոն Մարգարյանի հիմնավորումն այն է, որ դրանով մայրաքաղաքում գործող բոլոր դպրոցները հավասար խաղի կանոններով կշարունակեն իրենց գործունեությունը: Նշենք, որ նախագիծը Երևանի ավագանու կողմից ընդունվել է ձայների 60 կողմ և 3 դեմ հարաբերակցությամբ: |
Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը
10519:36«Բուհի դիպլոմ չունենալու պատճառով Տավուշում աշխատանքից ազատել են 55 ուսուցչի»․ Ոսկան Սարգսյան
88326.03.2024, 10:48«Ահագուժող դիտարկումները, թե այսօր-վաղը ինչ-որ բան է պատահելու, անտեղի են». Ժաննա Անդրեասյան
158523.03.2024, 23:48100-ից ավելի գիտնականներ պահանջում են խոտանել «Հայոց պատմության» 7-րդ դասարանի դասագիրքը
204222.03.2024, 18:18ՀՀ-ում 7 բուհ չունի ռեկտոր․ իշխանությունը «ենթարկվող» մարդկանց է փնտրում
229321.03.2024, 23:18«Այդ հարցն ինձ համար սպառված է». ԿԳՄՍ նախարար (տեսանյութ)
169221.03.2024, 12:18