Հնդկաստանում վագրը խուճապահար է արել հարսանյաց արարողության մասնակիցներին

Հնդկաստանի Մադհայ Պրադեշ նահանգում վագրը ներխուժել է հարսանիքի վայր՝ մարդկանց շրջանում խուճապ առաջացնելով: Այս մասին հայտնում է The Times of India լրատվականը:
Վագրը հայտնվել է թփուտներից և անշտապ անցել հյուրերի արանքով՝ մարդկանց սարսափի և խուճապի մատնելով: Այնուամենայնիվ, ամեն ինչ բարեհաջող է ավարտվել, ոչ ոք չի տուժել: Կենդանին վերադարձել է անտառ:
Որոշ ժամանակ անց, սակայն, լրատվամիջոցների հաղորդմամբ, վագրը հայտնվել է Մահարաշթրա նահանգում՝ հարձակվելով մի կնոջ վրա: Կնոջը տեղափոխել են Թամզար քաղաքի հիվանդանոց:
Կենդանաբանները նշել են, որ կենդանին տարօրինակ վարքագիծ ունի: Նա ապրում է բնակավայրերի մոտակայքում, չի վախենում մարդկանցից: Կենդանուն հետևելու համար կենդանաբանների հատուկ խումբ է ստեղծվել: